अविनाशले लिए ओमानको ७ औं विकेट

काठमाडौं । आइसिसी टी-२० विश्वकप एसिया क्षेत्रको फाइनल छनोटअन्तर्गत अविनाश बोहराले ओमानको ७ औं विकेट लिएका छन् ।

१४ दशमलव ३ ओभरको खेल सकिँदा ओमान १००-७ को को अवस्थामा छ ।

नेपालका लागि सोमपाल कामी र सन्दीप लामिछानेले समान २-२ तथा रन केसी र गुल्सन झाले १-१ विकेट लिएका छन् ।

यसअघि भएको खेलमा दुवै टोली अपराजित रहँदै समान चार अङ्क जोडेका छन् । तर ओमान नेटरनरेटका आधारमा शीर्षस्थानमा छ भने नेपाल दोस्रो स्थानमा छ ।

प्रतियोगितामा दुवै टोली एक खेलअगावै समूह ए बाट सेमिफाइनलमा पुगिसकेका छन् । आजको खेलले समूहको विजेता र उपविजेताको टुङ्गो लाग्नेछ ।

नेपालले आजको खेलमा कुनै पनि खेलाडीलाई परिवर्तन गरेको छैन । नेपालको प्लेइङ ११ मा कप्तान पौडेलसहित आसिफ शेख, कुशल भुर्तेल, कुशल मल्ल, विवेक यादव, सन्दीप जोरा, सोमपाल कामी, करण केसी, गुलशन झा, सन्दीप लामिछाने र अभिनाश बोहरा छन् ।