इजरायलमा मारिएका आनन्द साहको गाउँमै गरियो दाहसंस्कार
नेपाल प्रेस
२०८० कार्तिक १८ गते १९:२८
जनकपुरधाम । इजरायलमा हमासले गरेको हमलामा मारिएका धनुषाको लक्ष्मीनिया गाउँपालिका ४ सपहीका आनन्द साहको आज दाहसंस्कार गरिएको छ ।
हिजो नेपाल आइपुगेको साहको शव काठमाडौंबाट नेपाली सेनाले विशेष विमानबाट जनकपुरधाम ल्याएको थियो । त्यसपछि गाडीमा राखेर शव उनको घर पुर्याएपछि साँझ दाहसंस्कार गरिएको छ ।
दाहसंस्कार अगाडी उनको शवमाथि गाउँभरका व्यक्तिले श्रद्धाञ्जली अर्पण गरेका थिए । शव देखेपछि उनका परिवारमा रुवाबासी चल्यो । आफन्त र गाउँवासी शोकमग्न र भावविह्वल देखिए ।
आनन्द स्थानीय सोमन साहका एक्लो छोरा थिए । एग्रिकल्चरमा बीएससी पढेका आनन्द इजरायल पुगेको २६ दिनमै मारिए ।
नेपाल प्रेस
प्रकाशित: २०८० कार्तिक १८ गते १९:२८
प्रतिक्रिया
सम्बन्धित खवर
