भोजपुर साल्पासिलिछो गाउँपालिका कमिटीमा अनेरास्ववियुको नयाँ नेतृत्व

भोजपुर । नेकपा एमालेनिकटको विद्यार्थी संगठन अनेरास्ववियु साल्पासिलिछो गाउँपालिका कमिटीमा नयाँ नेतृत्व चयन गरिएको छ । आइतबार भएको पहिलो अधिवेशनबाट डम्बर विष्टको अध्यक्षतामा ४२ सदस्यीय कमिटी सर्वसम्मतरूपमा गठन गरिएको हो ।

पालिकास्तरीय कमिटीको उपाध्यक्षमा योगराज दंगाल, सोनिका तामाङ, सुविज्ञा राई छन् । त्यस्तै सचिवमा मातृका राई, सहसचिवत्रयमा पुनम राई, अनिसा राई र मन्दिरा राई चयन भएका छन् भने गौरव राई कोषाध्यक्ष बनेका छन् । इन्जार्ज सुनिल राई र सहइन्चार्ज जीवन खत्रीलाई बनाइएको छ ।

अनेरास्ववियुका केन्द्रीय सदस्य प्रताप तामाङ प्रमुख अतिथि, एमाले भोजपुरका अध्यक्ष शरणकुमार राई विशेष अतिथि रहेको अधिवेशनमा अखिलका जिल्ला अध्यक्ष सुशील कार्कीलगायतका विद्यार्थी र पार्टीका नेता कार्यकर्ताको उपस्थिति थियो ।