‘दिमाग खराब’को प्रीमियरमा बालेन, रविदेखि रोहित पौडेलसम्म (तस्बिरहरु)

काठमाडौं । भोलि कात्तिक २४ गतेदेखि प्रदर्शनमा आउन लागेको चलचित्र ‘दिमाग खराब’को आज ललितपुर एक हलमा प्रीमियरको आयोजना गरिएको छ । प्रीमियरमा चलचित्र कर्मी लगायत विभिन्न क्षेत्रका व्यक्तिहरुको सहभागीता रहेको थियो ।

प्रीमियरमा उपसभामुख इन्दिरा राना, काठमाडौं महानगरपालिकाका मेयर बालेन्द्र शाह, रास्वपा सभापति रवि लामिछाने लगायत रास्वपा सांसद सोबिता गौतम, बिनिता कठायत, निकिता पौडेल, नेपाली कृक्रेटर रोहित पौडेल, कुशल भुर्तेल, सोम्पाल कामीलगायतको उपस्थिति रहेको थियो ।

त्यस्तै, कलाकार दीपक राज गिरी, दिपाश्री निरौला, निर्मल शर्मा, हरिवंश आचार्य, प्रकृति श्रेष्ठ, गौरव पहारी, पुर्व क्रिकेटर तथा क्यान सचिव पारस खडका, कमेडियन सजन श्रेष्ठ, प्रनेश गौतम निर्देशक सन्तोष शेन, अशोक शर्मा लगाएतको उपस्थिति रहेको थियो ।

चलचित्रमा निश्चल बस्नेत र भिनेत्री सुपुष्पा भट्ट पनि सिनेमाको एक गीतमा विशेष भूमिकामा देखिएका छन् । आकाश बरालको लेखन र मनोज पण्डित स्क्रिप्ट डाक्टर रहेको सिनेमा राजनीतिक विषयमा केन्द्रित रहेर निर्माण भएको हो । सिनेमामा रौनक विक्रम कडेल निर्माता र सुरज बम ठकुरी कार्यकारी निर्माताको रुपमा रहेका छन् ।

सिनेमामा सुशन प्रजापतिको छायांकन, निमेष श्रेष्ठको सम्पादन, जयन के बाइबा र बाबुल गिरीको संगीत, राजकुमार उप्रेतीको द्वन्द्व निर्देशन तथा रोहित शाक्यको ब्याकग्राउन्ड स्कोर छ । सिनेमालाई काठमाडौं भित्र गोविन्द शाहीको काफिया फिल्मस् र मोफसलमा मनोज राठी र उज्वल पौडेलले वितरण गर्दैछन् ।