एभरेष्ट बैंकका नवनियुक्त अध्यक्ष डा. बालगोपाल वैद्यद्वारा शपथ ग्रहण
नेपाल प्रेस
२०८० कार्तिक २४ गते १८:१७
काठमाडौं । एभरेष्ट बैंक लिमिटेडको सञ्चालक समितिका नवनियुक्त अध्यक्ष डा. बालगोपाल वैद्यले पद तथा गोपनियताको शपथ लिएका छन् ।
नेपाल राष्ट्र बैंकका गभर्नरसमक्ष अध्यक्ष डा. वैद्यले शुक्रबार पद तथा गोपनियताको शपथ लिएका हुन् ।
बैंकको बिहीबार सम्पन्न ३६०औं सञ्चालक समितिको बैठकले सञ्चालक डा. वैद्यलाई अध्यक्ष नियुक्त गरेको थियो ।
२० वर्षदेखि बैंकको सञ्चालक समिति सदस्य रहेका वैद्य लामो समयदेखि अर्थविज्ञका रुपमा समेत काम गरिरहेका थिए । राष्ट्रिय योजना आयोगका पूर्वसदस्य वैद्यले फिलिपिन्सबाट अर्थशास्त्रमा विद्यावारिधि गरेका छन् ।
नेपाल प्रेस
प्रकाशित: २०८० कार्तिक २४ गते १८:१७
प्रतिक्रिया
सम्बन्धित खवर
