केन्यामा बाढीका कारण ४६ जनाको मृत्यु
नेपाल प्रेस
२०८० कार्तिक ३० गते ९:०१
काठमाडौं । केन्यामा बाढीका कारण ४६ जनाको मृत्यु भएको छ । अल निनो वर्षाका कारण हजारौँ विस्थापित भएका छन् ।
आन्तरिक क्याबिनेट सचिव किथुरे किन्डिकीले अधिकांशको मृत्यु बाढीका कारण भएको बताए ।
सबैभन्दा बढी प्रभावित क्षेत्रहरू उत्तरी केन्याको वाजिर, गारिसा र मन्डेराका साथै पूर्वीमा माकुएनी, कितुई पश्चिमी केन्याको होमा खाडी किसुमु रहेका छन् ।
केन्या सरकारले गारिसा, कितुई ताना नदी नामक तीन काउन्टीहरूमा नयाँ अलर्ट जारी गरेको छ ।
ताना र आठ नदी विकास पाधिकण (टार्डा)ले लगातारको अविरल वर्षाका कारण दुईवटा जलाशयमा पानीको बहाव पाँच मिटरभन्दा माथि पुगेको र कुनै पनि बेला थप बाढी आउन सक्ने चेतावनी दिएको छ ।
केन्याको मौसम विभागले जनवरीसम्म वर्षा हुने आँकलन गरेको छ ।
नेपाल प्रेस
प्रकाशित: २०८० कार्तिक ३० गते ९:०१
प्रतिक्रिया
सम्बन्धित खवर
