एक महिना नपुग्दै प्रकाश दुतराजको ‘रिमै’ करोड क्लवमा प्रवेश (भिडि‌‍ओ)

काठमाडौं । एक महिना नपुग्दै गायक प्रकाश दुतराजको राउटे समुदायको संस्कृति झल्किने म्युजिक भिडि‌ओ ‘रिमै’ करोड क्लवमा प्रवेश गरेको छ ।

दुतराजको आफ्नै यूट्युव च्यानलबाट सार्वजनिक भएको ‘रिमै’ एक महिना नपुग्दै करोड क्लवमा प्रवेश गरेको हो । तीन साता अघि दशैंको फुलपातीको अघिल्लो दिन कार्तिक तीन गते सार्वजनिक भएको उक्त म्यूजिक भिडि‍ओ अहिलेसम्म यूट्युवमा एक करोड १५ लाख भन्दा बढीले हेरिसकेका छन् । गितमा ६ हजार भन्दा बढीले प्रतिक्रिया पनि दिएका छन् ।

गायक दुतराज र चर्चित गायिका मेलिना राईको स्वर रहेको उक्त म्यूजिक भिडिओमा स्वयम दुतराज र केपिना गोतामेको अभिनय रहेको छ। राउटे समुदायको कथा संस्कृति, माया, प्रेम र जिवनको कथा म्यूजिक भिडिओमा देखाउन खोजिएको छ ।

गायक दुतराजकै शब्द र म्यूजिक रहेको गीतमा म्यूजिक एरेन्ज बीबी अनुरागी, मिक्सिङ श्यामस्वेत रसाइलीको रहेको छ ।

दुतराजको सबै भन्दा छोटो समयमा करोड क्लवमा प्रवेश गरेको यो पहिलो गित हो । यस अघि उनका चार वटा गित करोड क्लवमा प्रवेश गरिसकेका छन् । करोड क्लवमा प्रवेश गर्नेमा ‘घर कता हो बैनीको’, ‘जाम भो माइली’, बैनी ‘झ्यालैमा’ र ‘मन भुल्छ’ रहेका छन् । ‘घर कता हो बैनीको’ गीत सबैभन्दा बढी अहिलेसम्म करिव साढे तीन करोडले हेरिसकेका छन् ।