विश्वकप क्रिकेट : उपाधिका लागि भारत र अष्ट्रेलिया आज भिड्दै
नेपाल प्रेस
२०८० मंसिर ३ गते ७:४१
काठमाडौं । एकदिवसीय विश्व कप क्रिकेटको उपाधिका लागि आज भारत र अष्ट्रेलिया भिड्दै छन् ।
अहमदाबादस्थित नरेन्द्र मोदी रंगशालामा दिउँसो सवा २ बजे खेल हुनेछ ।
अष्ट्रेलियाले अहिलेसम्म पाँच पटक विश्वकप जितेको छ भने चार पटक फाइनल पुगेको भारतले दुई पटकमात्रै जितेको छ । अष्ट्रेलिया ८ पटक फाइनल पुगिसकेको छ ।
यसअघि २० वर्षअघि २००३ मा यी दुई टीम फाइनलमा आमनेसामने भएका थिए । त्यो खेल अष्ट्रेलियाले जितेको थियो ।
जारी विश्वकपमा भारत अहिलेसम्म अपराजित छ । समूह चरणको खेलमा अष्ट्रेलिया भारत र दक्षिण अफ्रिकासँग पराजित भएको थियो ।
सेमिफाइनलमा भारतले न्युजिल्यान्ड र अष्ट्रेलियाले दक्षिण अफ्रिकालाई हराएर फाइनल यात्रा तय गरेका हुन् ।
नेपाल प्रेस
प्रकाशित: २०८० मंसिर ३ गते ७:४१
प्रतिक्रिया
सम्बन्धित खवर
