केपी ओली राष्ट्रिय कप टी-२० क्रिकेट प्रतियोगिताको खेल तालिका सार्वजनिक

पोखरा । मंसिर ७ गतेबाट पोखरामा हुने केपी ओली राष्ट्रिय कप टी-२० क्रिकेट प्रतियोगिताको खेल तालिका सार्वजनिक गरिएको छ ।

आयोजक मदन भण्डारी स्पोर्टस एकेडेमीले सार्वजनिक गरेको तालिका अनुसार १२ टीमले प्रतिस्पर्धा गर्नेछन् ।

तालिका अनुसार ग्रुप ‘ए’ मा बागमती प्रदेश, कर्णाली प्रदेश र मदन भण्डारी स्पोर्टस एकेडेमी रातो, ग्रुप ‘बी’ मा एपीएफ, लुम्बिनी र गण्डकी, ग्रुप ‘सी’ मा नेपाल पुलिस, मधेश प्रदेश र सुदूरपश्चिम तथा ग्रुप ‘डी’ मा त्रिभुवन आर्मी क्लब, कोशी प्रदेश र मदन भण्डारी स्पोर्टस एकेडेमी निलो छन् ।

मंसिर १५ गते सम्म चल्ने प्रतियोगितामा हरेक दिन दुईवटा खेल हुनेछन् । उद्घाटन खेलमा बागमती प्रदेश र आयोजक मदन भण्डारी स्पोर्टस एकेडेमी रातोका बीच प्रतिस्पर्धा हुनेछ ।

उपाधि विजेता टिमले नगद ५ लाख र उपविजेताले २ लाख ५० हजार पुरस्कार पाउनेछन् ।