अनमोल र जसिताको ‘फर्की फर्की’को शुभमुहूर्त

काठमाडौं । रोहित अधिकारीले निर्माण गर्न लागेको चलचित्र ‘फर्की फर्की’को आज शुभमुहूर्त भएको छ । पाटनको बगलामुखी मन्दिरमा आज चलचित्रको शुभमुहूर्त गरिएको हो ।

२०८१ सालको जेठ ११ गते रिलिज हुने चलचित्रमा कलाकारहरु अनमोल केसी र जसिता गुरुङ मुख्य भूमिकामा देखिदैछन् भने रवि काफ्ले,समृद्धि अर्याल , बिन्दा खतिवडा, कृष्ण मल्ल, आशिक गुरुङ, निर्मल शर्मा लगायतको अभिनय रहनेछ ।

चलचित्रलाई सुयोग गुरुङले निर्देशन गर्दै छन । त्यस्तै यस्को निर्मातामा रोहित अधिकारी र ओम अग्रवाल रहेका छन् ।

चलचित्रको छायांकन मंसिरको ११ गतेबाट सुरु गर्ने तयारी निर्माणपक्षको छ । ‘गाजलु र छ माया छपक्कै’ जस्ता सुपरहिट चलचित्र दिएका निर्माता अधिकारीले यसपटक दर्शकले प्रेमको कथामा बेग्लै स्वाद पाउने बताए ।

चलचित्रलाई काठमाडौंमा काफिया फिल्मस् र मोफसलमा कुबेर फिल्मस्ले वितरण गर्नेछ । चलचित्रको अन्तर्राष्ट्रिय वितरकको रुपमा एमएसएम इन्टरटेन्मेन्ट जोडिएको छ ।