लोकतान्त्रिक आदिवासी महासंघको आरोप – कथित पहिचानवादीले जनजाति आन्दोलनको बदनाम गर्दैछन्

काठमाडौं । नेकपा एमालेनिकट लोकतान्त्रिक आदिवासी जनजाति महासंघ नेपालले आइतवार ताप्लेजुङमा योगेश भट्टराई, तिलकुमार मेन्याङ्बो, उर्मिला थेबेलगायत नेताहरुमाथि भएको आक्रमणको भत्र्सना गरेको छ ।

महासंघका अध्यक्ष पासाङ शेर्पाले सोमबार प्रेस विज्ञप्ति जारी गर्दै चियापानमा सहभागी हुने क्रममा कथित पहिचानवादीको नाममा भेला भएका जमातले गाडीमा ढुंगामुढासहित आक्रमण गरेको बताएका छन् ।

महासंघले पहिचानको नाममा गरिने यस्ता गतिविधिले आदिवासी जनजाति आन्दोलनलाई कमजोर बदनाम गरेको भन्दै सामाजिक सद्भाव बिथोल्ने कार्य सहेर नबस्ने चेतावनी समेत दिएको छ । महासंघले आक्रमणकारीलाई पक्राउ गरी हदैसम्मको कारवाही गर्न समेत माग गरेको छ ।