सुनको मूल्यमा फेरि नयाँ रेकर्ड कायम, कतिमा हुँदैछ कारोबार ?

काठमाडौं । नेपाली बजारमा आज (मंगलबार) सुनको मूल्यले फेरी नयाँ रेकर्ड कायम गरेको छ। लगातार बढिरहेको सुनको मूल्य आज हालसम्मकै उच्च भएको हो।

आज छापावाल सुन अघिल्लो दिनको तुलनामा प्रतितोला ३ सय रुपैयाँले बढेर एक लाख १७ हजार सात सय रुपैयाँ पुगेको छ, भने हिजो एक लाख १७ हजार ४ सयमा कारोबार भएको थियो ।

यस्तै, नेपाल सुनचाँदी व्यवसायी महासंघका अनुसार तेजाबी सुन प्रतितोला एक लाख १७ हजार १ सय ५० रूपैयाँमा कारोबार भइरहेको छ भने आज चाँदी प्रतितोला एक हजार पाँच सय रुपैयाँमा कारोबार भइरहेको छ ।