शुभमन गिलसँग नाम जोडिएकी सचिनकी छोरीको अर्कैसँग हिमचिम !

काठमाडौं । भारतीय युवा क्रिकेटर शुभमन गिल र क्रिकेट लिजेन्ड सचिन तेन्दुलकरकी छोरी साराबीच अफेयरको चर्चा सुरु भएको धेरै भइसक्यो । यद्यपि, यसको आधिकारिक पुष्टि दुवैले गरेका छैनन् ।

शुभमन र सारालाई ‘कपल’ का रुपमा हेर्न चाहनेहरु धेरै छन् । तर, हालै सार्वजनिक भएको एउटा भिडिओले कथामा नयाँ ट्वीस्ट ल्याइदिएको छ । यो भिडियोमा सारा अर्कै युवकसँग निकट देखिएकी छन् । ती युवक अरु कोही नभएर शुभमानका नजिकका साथी खुसप्रित सिंह हुन् ।

शुभमनको फ्यान पेजबाट यो भिडियो सार्वजनिक भएको थियो । भिडियोमा सारा र खुसप्रितले विभिन्न क्रिकेट म्याचहरु सँगै बसेर हेरेको देखि उनीहरु एउटा होटलबाट अंकमाल गरेर निस्केको दृष्यहरु समावेश छन् । उक्त भिडियोले शुभमन र साराका प्रशंसकहरुबीच खल्बली नै मच्चाएको छ ।

नेटिजनहरु अझै आश्चर्यमा तब परे, जब यो भिडियो रिलमा शुभमनले समेत ‘लाइक’ ठोकेको देखियो । उनको लाइकलाई विभिन्न अर्थमा व्याख्या गर्न थालियो । कतिले आफू र साराको गसिपलाई डाइभर्ट गर्न शुभमनले यो तरिका अपनाएको भनेर टिप्पणी गरे । कतिले चाहिँ शुभमानको लाइकले सारा र खुसप्रित अफेयरमा छन् भन्ने पुष्टि हुने निष्कर्ष निकाले । साह्रै कुरा काट्न थालिएपछि शुभमानाले आफ्नो लाइक फिर्ता लिएका छन् । तर, चर्चा सेलाएको छैन ।

विश्वकपअघि शुभमन बिरामी हुँदा साराले सामाजिक सञ्जालमा पोस्ट गर्दै उनलाई स्वास्थ्यलाभको कामना गरेकी थिइन् । सारा र मनप्रित सँगै बसेर विश्वकपमा भारतको म्याचहरु हेरेका थिए । हालै मात्र शुभमनको जन्मदिनमा मनप्रितले एउटा पोस्ट गरेका थिए, जसमा उनले लाक्षणिकरुपमा ‘सारा’ लार्ई पनि तानेका थिए । उनले लेखेका थिए, ‘आपको ढेर ‘सारा’ खुशी मिले ।’

यस्ता विरोधाभासपूर्ण गतिविधिहरुले गर्दा मानिसहरु अन्योलमा परिरहेका छन् कि आखिर साराको वास्तविक अफेयर कोसित हो ?