अपाङ्गता भएका व्यक्तिहरुलाई ललितपुर महानगरले गरायाे पाटन दरबारको अवलोकन (भिडिओ)
नेपाल प्रेस
२०८० मंसिर १७ गते १५:०४
काठमाडौं । ललितपुर महानगरपालिकाले अपाङ्गता भएका व्यक्तिहरुलाई पाटन दरबारको अवलोकन गराएको छ ।
आइतबार अपाङ्गता भएका व्यक्तिको ३२औँ अन्तर्राष्ट्रिय दिवसका अवसरमा आयोजित र्यालीसहित विश्व सम्पदा सूचीमा समावेश भएको पाटन दरबारको अवलोकन गराएको हो ।
त्यसअघि र्यालीको समापन कार्यक्रममा विगतदेखि नै अपाङ्गता भएका व्यक्तिका लागि केही नयाँ काम गरेको र यहि क्रममा अपाङ्गता भएका व्यक्तिहरुलाई पाटन दरबारको अवलोकन गराएका प्रमुख चिरीबाबु महर्जनले बताए ।
उनले समस्या समाधानका लागि विचार गरेर नीति निर्माण गरी अगाडि बढाइने भन्दै अपाङ्गता भएकाहरुको कठिन जीवनयापनलाई सहज बनाइने बताए ।
विसं २०७८ को जनगणनाअनुसार ललितपुर महानगरपालिकामा एक दशमलव छ प्रतिशत रहेको ललितपुर महानगरले जनाएको छ ।
नेपाल प्रेस
प्रकाशित: २०८० मंसिर १७ गते १५:०४
प्रतिक्रिया
सम्बन्धित खवर
