शौर्य सिमेन्ट उद्योगद्वारा क्लिङ्कर भारत निर्यात

काठमाडौं । शौर्य सिमेन्ट इन्डष्ट्रिज लिमिटेडले क्लिङ्कर उत्पादनलाई भारत तर्फ निर्यात सुरुवात गरेको छ ।

कम्पनीले औपचारिकरुपमा आफ्नो उद्योग परिसरमा आइतबार कम्पनीका प्लाण्ट हेड गुरुदयाल सिंह र सहायक महाप्रबन्धक विकास खड्काद्वारा संयुक्त रुपमा रिवन काटी पहिलो निर्यातको सुरु गरेको हो ।

उदयपुरको चुनढुङगाबाट उत्पादन गरिएको क्लिङ्कर तथा सिमेन्टमा न्यूनन्इ तथा उच्चस्तरिय चुनढुङगा समिश्रण रहेकाले भारतमा अवस्थित सिमेन्ट उद्योगमा सफल परिक्षणबाट स्विकृति भई निर्यात गर्न सफल भएको कम्पनीले जनाएको हो ।

वि.स २०७८ माघबाट व्यवसायिक उत्पादन सुरुवात गरको उद्योगको क्षमता ३००० मे.ट. क्षमता रहेको छ । व्यवसायिक घराना शंकर गु्रप, गोल्छा ग्रुप तथा अम्बे ग्रुपको संयुक्त लगानीमा सिराहाको मिचैयामा अवस्थित उद्योगले ओपीसी(५३ ग्रेड, ४३ ग्रेड) र पीपीसी सिमेन्ट उत्पादन गदै आएको छ ।