सिटिजन्स बैंकका ग्राहकलाई अक्टेभ काठमाडौंमा छुट पाइने

काठमाडौं । अक्टेभ काठमाडौंमा सिटिजन्स बैंकका ग्राहकलाई विशेष छुट पाइने भएको छ ।

बुधबार सिटिजन्स बैंक इन्टरनेसनल लिमिटेड र दरबारमार्ग स्थित अक्टेभ काठमाडौंबिच विशेष छुट दिने समझदारी भएको हो । समझदारी अनुसार अब सिटिजन्स बैंकका कार्डबाहकले अक्टेभ काठमाडौंमा १० प्रतिशत सम्मको छुट पाउनेछन् ।

यस किसिमको सहकार्यबाट बैंकका ग्राहकहरु लाभान्वित हुनुका साथै नगद कारोबार बाट डिजिटल कारोबार तर्फ उत्प्रेरित हुने बैंकले विश्वास लिएको छ । डिजिटल कारोबार गर्दा पाइने छुट सम्बन्धी विस्तृत विवरणहरू सिटिजन्स बैंकको वेबसाइटमा प्राप्त गर्न सकिन्छ ।

बैंकले देशभर आफ्ना १९० शाखा, १५१ एटिएम र ९७ वटा शाखा रहित बैंकिङ्ग ईकाईहरुबाट ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ ।