कांग्रेसले तेस्रो पटक सार्‍यो महासमिति बैठक

काठमाडौं । नेपाली कांग्रेसले फेरि महासमिति बैठक सारेको छ । योसहित बैठक तेस्रो पटक सरेको हो । आज बसेको केन्द्रीय कार्यसम्पादन समितिको बैठकले फागुन ७ देखि १० गते गर्ने निर्णय गरेको नेता रमेश लेखकले बताए ।

पुस १६ देखि १९ गतेसम्म बस्ने तय भएको बैठक सारेको हो । यसअघि पहिलो पटक मंसिर २९ देखि पुस २ सम्म महासमिति बैठक गर्ने केन्द्रीय समितिले निर्णय गरेको थियो । तर, सो मितिमा गर्न नसकिने भन्दै सारेर पुस १६ देखि १९ सम्म पुर्‍याएको थियाे ।

यसअघि पुसको जाडोमा जिल्ला-जिल्लाबाट सदस्य आउन गार्‍हो हुने भन्दै फागुनमा बैठक सार्न सभापति शेरबहादुर देउवाले पदाधिकारी बैठकमा प्रस्ताव राखेका थिए ।