धोनीले प्रयोग गरेको जर्सी नम्बर ७ लाई बीसीसीआईले अरुलाई नदिने

काठमाडौं। भारतीय क्रिकेट नियन्त्रण बोर्ड(बीसिसीआई)ले पूर्व राष्ट्रिय कप्तान महेन्द्रसिंह धोनीले प्रयोग गर्ने गरेको ७ नम्बर जर्सीलाई ‘रिटायर्ड’ गरेको छ।

यसको मतलब अब यो जर्सी नम्बर भारतीय टोलीबाट प्रयोग हुने छैन। धोनीको सम्मानमा बीसीसिआईले उक्त निर्णय गरेको हो।

धोनीले राष्ट्रिय टोलीबाट खेल्न छाडेको करिब ३ वर्षपछि बीसिसीआईले उनको जर्सी नम्बरलाई सम्मान गर्दै अब प्रयोगमा नल्याउने जनाएको छ। धोनीकै कप्तानीमा भारतले सन् २०११ मा एकदिवशीय विश्वकप जितेको थियो।