समीर आचार्य र विन्दु पौडेलको नयाँ गीत ‘चट्ट राम्रो’ सार्वजनिक

काठमाडौं । समीर आचार्य र विन्दु पौडेलको आवाजमा ‘चट्ट राम्रो’ बोलको नयाँ गीत सार्वजनिक भएको छ ।

अष्ट्रेलियालाई आफ्नो कर्मथलो बनाएकी गायिका पौडेलका थुप्रै गीत सार्वजनिक भइसकेका छन् । विन्दुको यसअघि ‘आई लव यु भन्दिउँला प्यारा’ र ‘जता जता मायाको पाइलो’ बोलका गीतहरू सार्वजनिक भइसकेका छन् ।

समीर पछिल्ला केही समयमा सांगीतिक क्षेत्रमा हाबी हुँदै आएका गायक हुन् । उनले ‘दुनियाँ बेग्लै छ’, ‘हैन भन्देऊ न माया’, ‘पिच रोड’, ‘लभ लेटर’ ‘घाममा सुकाइदेऊ’, ‘झम्के माया’ जस्ता दर्जनौं हिट गीत गाएर विदेशबाटै नेपाली सांगीतिक दुनियाँमा परिचय बनाइसकेका छन् ।

सार्वजनिक ‘चट्ट राम्रो’ गीतमा शब्द, संगीत र म्युजिक एरेन्जमेन्ट गायक आचार्यकै रहेको छ । गीतका भाका र शब्द पूर्वेली र पश्चेमेली मिसाएर लयबद्ध गरिएको छ ।

यस गीतको भिडियोमा अहिलेका चर्चित गायक तथा मोडेल चक्र बम र चर्चित मोडेल कुसुम शर्माको केमेस्ट्रीलाई देख्न सकिन्छ ।
यस भिडियोको निर्देशन तथा कोरियोग्राफी गम्भीर विष्टले गरेका छन् ।