रूपान्तरण अभियानले पार्टीलाई जनतातर्फ फर्काएको माओवादीको निष्कर्ष

काठमाडौं । नेकपा माओवादी केन्द्रले भदौ १६ गतेदेखि थालेको ‘जनतासँग माओवादी’ विशेष रुपान्तरण अभियान सफल भएको निष्कर्ष निकालेको छ ।

प्रधानमन्त्रीको निवास बालुवाटारमा बसेको पदाधिकारी बैठकले यो अभियानले पार्टीलाई जनतातर्फ फर्काएको निष्कर्ष निकालेको प्रवक्ता अग्निप्रसाद सापकोटाले बताए ।

उनले भने, ‘यो अभियानले पार्टीलाई गतिशील, जीवन्त र चलायमान बनाएको छ । माओवादीलाई फेरि जनतासँग जोडेको छ । त्यसैले यो अभियान सफल भएको निष्कर्षसहित आगामी दिनमा पनि यस्ता कार्यक्रमलाई निरन्तरता दिने भन्नेछ ।

उनले अभियानको आगामी १६ गते वृहत्त जनपरिचालनसहित पालिकास्तरमा समापन गर्ने निर्णय भएको बताए ।

सापकोटाले भने, ‘अभियान समापन भएपछि केन्द्रीय समितिको बैठक बस्छ । त्यसले पार्टीको थप योजना तयार पार्छ ।’