श्रेय अगस्तीको स्वरमा ‘परिणाम’ को म्युजिक भिडिओ सार्वजनिक

काठमाडौं । सामाजिक अवस्था, प्रेम र धोकाका कारण सृजित हिंसा र बाल मनोविज्ञानमा आधारित कथावस्तु समेटिएको म्युजिक भिडिओ ‘परिणाम’ सार्वजनिक गरिएको छ ।

साइराम पिक्चर्स युट्युब च्यानलमार्फत सार्वजनिक गीतमा साक्षी-श्रेयको शब्द, संकेत अगस्तीको संगीत र श्रेय अगस्तीको स्वर छ । म्युजिक भिडिओमा भस्मे डनका कलाकार कलाकार दिनेश कोइराला, टिकटकबाट चर्चामा आएकी स्मारिका ढकाल र कमल सिंह मुख्य भूमिकामा देखिएका छन् ।

बाल कलाकारमा नूर दाहालको अभिनय पनि यसमा देख्न सकिन्छ । मन पराएकी केटीलाई जबरजस्ती आफ्नो बनाउने परिणामस्वरूप सृजित घटनाक्रमलाई कथावस्तु बनाइएको छ ।

विशाल निरौलाको संगीत संयोजन, रञ्जन राईको रेकर्ड/मिक्स/मास्टरिङ, दिनेश पराजुलीको छायांकन, शिलान लम्सालको सम्पादन, पुनम चौधरीको शृंगार, खेमनाथ खनालको स्क्रिनप्ले र क्रियेटिभ निर्देशनमा बनेको परिणामको निर्माता सुनिता ढुंगेल साथै निर्देशन र कथा संकेत अगस्तीको छ ।

म्युजिक भिडियोबाट जीवनमा रिस र अहंकारले कहिले सुख नदिने सन्देश दिन खोजिएको छ ।