भाइरल बनेकाे भिडिओ ‘इन्की पिंकी पंकी’को वास्तविकता के हो ?

काठमाडौं । हुन त अहिले टिकटक ब्याण्ड छ । तर कतिपय आईएसपी र वैकल्पिक माध्यमबाट टिकटक चलिराखेको छ । छैन भने पनि तपाईंले फेसबुक, इन्स्टाग्राम रिल वा युट्युबको सर्ट त हेर्नुहुन्छ होला । जहाँ तपाईंले पछिल्लो समय ‘इन्की पिंकी पोंकी’ राइम्स भाइरल भएको हेर्नुभएको होला ।

यो गीतको वास्तविकता के हो र कसरी अहिले साहरुख खानको चलचित्र कुछ कुछ होता हैको शीर्षक गीतको लयमा भाइरल भएको भन्नेबारे जान्ने प्रयास गर्दैछौं ।

यो वास्तवमा छोटो अंग्रेजी राइम्स हो । बच्चाहरुलाई काउन्टिङ तथा सुरुवाती शिक्षा आर्जनमा सहयोग गर्न तयार पारिएको राइम्स हो । यसको ओरिजिनल लेखक को हुन् भन्ने विषयमा एक मत छैन । इन्टरनेटमा खोज्ने हो भने यो शीर्षकको लेखकमा अष्ट्रेलियन प्याट एडवर्डसको नाम भेटिन्छ । त्यस्तै, भारतीय चलचित्र सुडिगाडुमा पनि यसको समावेश गरिएको छ । जुन युट्युबमा ८ वर्ष अगाडिकाे मितिमा देखिन्छ ।

अहिले टिकटकलगायत सामाजिक सञ्जालमा भाइरल भएको गीत ओरिजिनल भने होइन । ओरिजिनल राइम्स भने यस्तो छ । जुन ९ वर्षअघि युट्युबमा सार्वजनिक भएको थियो । यसको लय अर्कै छ ।

अब अहिले आएर भाइरल कसरी भयो त ? जसको पछाडि भने दक्षिण अफ्रिकाको जोहानेसबर्गमा बस्ने हुसेन भ्यालीले गत वर्ष यो गीतको नयाँ भर्सन बनाए । जसमा कुछ कुछ होता हैको शीर्षक गीतको लय समावेश गरे ।

जुन भर्संनमा इन्स्टाग्राममा भारतीय कलाकार तथा क्रिकेटरहरुले मिम र रिल्स बनाए । त्यसपछि भने यो राइम्स त्यही चर्चित लयमा विश्वभर भाइरल बन्यो । अहिले टिकटकमा यही गीतमा हजारौं भिडिओ बनेका छन् । तर पछिल्लाे समय यसले झन चर्चा बटुल्दै गयाे ।