राबडाको घातक बलिङसामु केएल राहुलको साहसिक शतक

काठमाडौं । दक्षिण अफ्रिकाविरुद्धको टेस्ट श्रृंखलाअन्तर्गत पहिलो खेलको पहिलो पालीमा भारतका केएल राहुलले शतक बनाएका छन् । खेलको दोस्रो दिन भारतले ताजा अवस्थामा ९ विकेट गुमाएर २४५ रन जोडेको छ ।

राहुल १०१ रन बनाएर आउट भए । १२१ रन जोड्दा ६ विकेट गुमाएको अवस्थामा सम्हालिएर ब्याटिङ गरेका राहुललाई नान्द्रे बर्गरले  आउट गरेका हुन् । उनले सातौं विकेटका लागि सार्दुल ठाकुरसँग ४३ र आठौं विकेटका लागि जसप्रित बुमराहसँग २७ रनको साझेदारी गरे ।

राहुल र मोहम्मद सिराजबीच नवौं विकेटका लागि ४७ रनको साझेदारी भएको थियो । राहुलले आठौं टेस्ट शतक बनाएका हुन् ।

दक्षिण अफ्रिकाका कागिसो राबडाले ५ र नान्द्रे बर्गरले ३ विकेट लिएका छन् । भारतका यशस्वी जैसवाल १७, रोहित शर्मा ५, सुभमन गिल २, विराट कोहली ३८ र श्रेयस अय्यर ३८ रन बनाएर आउट भए ।