धनगढीमा जुनिअर कप हुँदै

कैलाली । कैलालीको धनगढीमा जुनिअर कप क्रिकेट प्रतियोगिताको आयोजना हुने भएको छ । बिहीबार धनगढीमा पत्रकार सम्मेलनको आयोजना गर्दै स्टेपिङ स्टोन जुनिअर कपको तयारी भइरहेको जानकारी गराइएको हो ।

आगामी पुस १४ गते देखी २१ गते सम्म आयोजना हुन लागेको प्रतियोगितामा कैलाली कञ्चनपुरका १५ विद्यालय सहभागी हुने जनाइएको छ ।

प्रतियोगिताको विजेताले नगद तीस हजार, ट्रफि, मेडल र प्रमाण पत्र प्राप्त गर्ने छन् भने उपविजेताले १५ हजार, ट्रफि, मेडल र प्रमाण पत्र प्राप्त गर्ने छन् । सर्वोत्कृष्ट खेलाडीले नगद २ हजार सहित धनगढी क्रिकेट एकेडेमीमा निःशुल्क भर्ना सहित ४ महिनाको छात्रवृत्ति उत्कृष्ट बलर ब्याटरले एक हजार सहित धनगढी क्रिकेट एकेडेमीमा निःशुल्क भर्ना सहित २ महिनाको छात्रवृत्ति पाउने बताइएको छ ।

त्यस्तै, उदयमान खेलाडीले धनगढी क्रिकेट एकेडेमीमा निःशुल्क भर्ना सहित ट्रफि मेडल र प्रमाण पत्र पाउने छन् ।

कक्षा ८ भन्दा तलका विद्यार्थीहरू सहभागी हुने भएको हुँदा यस प्रतियोगिताले क्रिकेटको जग बलियो बनाउने अपेक्षा गरिएको छ । प्रतियोगिताको आयोजना धनगढी क्रिकेट एकेडेमीले गर्दै छ ।