सामसङले नयाँ वर्षमा ‘ग्यालेक्सी ए’ सीरीज र ‘ग्यालेक्सी एम’ सीरीजको मूल्य घटायो

काठमाडौं । सामसङले नयाँ वर्षका लागि आफ्नो सर्वाधिक बिक्रीको सूचीमा रहेका ५ वटा मोबाइलहरु प्रचलित मूल्य अविश्वसनीय रुपमा कम गर्ने घोषणा गरेको छ ।

सामसङले ‘ग्यालेक्सी ए३४ फाईप जी’, ‘ग्लालेक्सी ए ०४ एस’, ‘ग्यालेक्सी ए ०४’ र ‘ग्यालेक्सी एम १४ फाइप जी’ गरी आफ्ना ५ वटा सर्वाधिक बिक्रीको सूचिमा रहेका मोबाइलको प्रचलित मुल्य अविश्वसनीय रुपमा कम गर्ने घोषणा गरेको दाबी छ । सामसङले पाँच वटै मोबाइलहरुको मुल्यमा २ हजार रुपैयाँ कम गरेर उपलब्ध गराउने भएको हो ।

सामसङले ४५ हजार ९९ रुपैयाँ रहेको ‘ग्यालेक्सी ए ३४ फाईप जी’ लाई ४३ हजार रुपैयाँमा उपलब्ध गराइरहेको छ । त्यस्तै, २१ हजार ९९ रुपैयाँ कायम गरीएको ‘ग्लालेक्सी ए ०४ एस’ लाई १९ हजार ९९९ रुपैयाँ, १६ हजार ९९ रुपैयाँ रहेको ‘ग्यालेक्सी ए ०४’ लाई १४ हजार ९९९ रपैयाँ, २४ हजार ९९९ रुपैयाँ रहेको ‘ग्यालेक्सी एम १४ फाइप जी’ लाई २२ हजार ९९९ रुपैयाँ र १७ हजार ९९९ रुपैयाँ रहेको ‘ग्यालेक्सी एम ०४’ को मूल्यलाई १५ हजार ९९९ रुपैयाँमा झारेको छ ।

सामसङको ‘ग्यालेक्सी ए’ सीरीज किफायती मूल्यमा पाइने उपकरण हो भने एम सीरीज ‘प्रिफमेन्स ड्राईभन मनस्टर’ उपकरणको रुपमा परिचित छ ।