एनआईसी एशिया बैंकद्वारा विद्यालयमा पुस्तकालय भवन निर्माण

काठमाडौंं । एनआईसी एशिया बैंकले मोहन्याल माध्यमिक विद्यालय वडहरियामा पुस्तकालय भवन निर्माण सम्पन्न गरेको छ ।

बैंंकले कैलाली जिल्ला जोशीपुर गाउँपालिका १ मा अवस्थित मोहन्याल माध्यमिक विद्यालय वडहरियामा पुस्तकालय भवन निर्माण सम्पन्न गरेको हो ।

बैंकको संस्थागत सामाजिक उत्तरदायित्व अन्तर्गत सातै वटा प्रदेशमा विद्यालयहरु छनौट गरी पुस्तकालय भवन निर्माण गर्ने क्रममा सुदूरपश्चिम प्रदेशमा बैंकले विद्यालय र गाउँपालिका कार्यालयसँगको सहकार्यमा पुस्तकालय भवन निर्माण सम्पन्न गरेको हो ।

पुस्तकालय भवन जोशीपुर गाउँपालिकाका अध्यक्ष चित्र बहादुर चौधरी, विद्यालयका प्रधानाध्यापक देबेन्द्र प्रसाद शाह, बैंकका प्रादेशिक प्रमुख सुवास जोशी तथा जोशीपुर शाखा प्रबन्धक उजिर सिंह भण्डारी लगायत स्थानीय निकाय एवं विद्यालयका पदाधीकारीहरुको उपस्थितिमा भवनको उद्घाटन गरिएको हो ।

नवनिर्मित पुस्तकालय भवनबाट विद्यालयमा अध्ययनरत एक हजारभन्दा बढी विद्यार्थीहरु प्रत्यक्ष रुपमा लाभान्वित हुने बैंकले जनाएको छ ।