केकभित्र गाँजा राखेर अनलाइनमार्फत् बेच्ने एकजना पक्राउ (भिडिओ)
नेपाल प्रेस
२०८० पुष २२ गते १४:१९
काठमाडौं । केकभित्र गाँजा राखेर बिक्री वितरण गर्ने गरेको आरोपमा एकजना पक्राउ परेका छन् ।
प्रहरीको लागुऔषध नियन्त्रण ब्युरोको टोलीले काठमाडौंको घट्टेकुलोबाट विसन मानन्धरलाई पक्राउ गरेको छ । ब्युरोका अनुसार मानन्धरले गाजा राखेर केकहरू अनलाइनमार्फत प्रयोगकर्तासम्म पुर्याउने गरेका थिए ।
इन्स्टाग्राममा अकाउन्ट बनाएर त्यसमार्फत उनले ती केक बिक्री वितरण गर्ने गरेको प्रहरीको भनाइ छ । प्रहरीले गाँजाको धुलो १२१ ग्राम, तयारी अवस्थाको केकको झोला एक सय ७८ ग्राम, ७ सय ५४ ग्राम गाँजा उनको घरबाट बरामद भएको जनाएको छ ।
मानन्धरले विगत एक वर्षदेखि यसरी केक बनाएर बेच्ने गरेको प्रारम्भिक अनुसन्धानबाट खुलेको छ ।
नेपाल प्रेस
प्रकाशित: २०८० पुष २२ गते १४:१९
प्रतिक्रिया
सम्बन्धित खवर
