मिडियाकर्मी तथा महिला उद्यमी रिता कट्टेल सम्मानित

काठमाडौं । जमल राष्ट्रिय नाचघरमा अग्लेश्वरी हिल्स डेभलपमेन्ट ट्रस्टले दोस्रो पटक आयोजना गरेको जीवन्त नेपाल म्युजिक अवार्डमा संगीतकर्मीसँगै अरु विधाबाट पनि समाजमा उदाहरणीय काम गर्ने व्यक्तिहरूलाई सम्मान गर्ने क्रममा रिता कट्टेल  सम्मानित भएकी छन् ।

कट्टेलले झन्डै एक दशकदेखि मिडिया क्षेत्रमा आवद्ध रही मौफसलबाट काठमाडौँसम्म रेडियो, टिभी हुँदै विभिन्न ब्राण्डका फेस अफ द ब्रान्ड बनिसकेकी छन् । उनले म्युजिक भिडियोजमा अभिनय गर्नुका साथै सयभन्दा बढी स्टेज शो होस्ट गरिसकेकी छन् ।

आफूलाई मिडिया ट्रेनरको रुपमा समेत चिनाएकी कट्टेल पछिल्लो समय भने उद्यमशीलतातिर पनि उत्तिकै सक्रिय भूमिकामा छिन् । उनले रिट स्किन बुटिक नामको कस्मेटिक सोरुम बानेश्वरको आइपलेक्स मलबाट सुरु गरेर वर्ष दिनमै अर्को शाखा पनि विस्तार गर्न सफल रहेकी छन् ।

उनको संचार क्षेत्रप्रतिको योगदान र उद्यमशीलता प्रतिको लगनले दिएको प्रेरणालाई अनुसरण गर्दै अग्लेश्वरी हिल्स डेभलपमेन्ट ट्रस्टले कट्टेललाई राष्ट्रिय सञ्चारकर्मी तथा महिला उद्यमीको वर्गमा सम्मान गरेको हो ।