सञ्जय दत्तको दाबी- मलाई चौथो स्टेजको क्यान्सर थियो, किमोथेरापी सकेर जिम जान्थेँ

काठमाडौं । इण्डियन आइडलको आइतबार रातिको एपिसोडबाट नेपालकी मेनुका पौडेल अन्तिम ११ मा प्रवेश गरिन् । बटम ४ मा परेका मेनुका, आद्या, सुखदीप र महिमामध्येबाट महिमा आउट भएपछि मेनुकाले अन्तिम ११ को यात्रा तय गरेकी हुन् । गायन प्रस्तुतिमार्फत इण्डियन आइडलमा सबैको मन जितिरहेकी मेनुकाको आइतबार रातिको एपिसोड केही भिन्न रह्यो ।

उक्त एपिसोडमा मेनुकाले लगातार तीन गीत गाएकी थिइन् । एक गीत गाउँदा भने उनले लिरिक्सै नै बिर्सिइन् । गाउँदै गर्दा उनको ‘हार्ट बिट’ बढेपछि म्युजिक बीचमै रोक्न पर्यो । उनलाई एकछिन पानी पिउन दिइयो । उनलाई सान्त्वना दिन सञ्जय दत्तसँगै जजहरु स्टेजमा पुगे । चिकित्सकले आएर रक्तचाप जाँचेर सबै ठीक रहेको बताएपछि प्रस्तुतिलाई निरन्तर दिइयो ।

कार्यक्रममा बलिउड अभिनेता सञ्जय दत्त विशेष अतिथि बनेर आएका थिए । मेनुकालाई बीचमै गाह्रो भएको देखेपछि उनी पनि स्टेजमा पुगेका थिए । मेनुका ठीक भएर स्टेज फक्रिएपछि सञ्जयले उनलाई कहिल्यै पनि हार नमान्न सुझाव दिए ।

सुझावसँगै उनले आफ्नो स्वास्थयबारे पनि एक ठूलो खुलासा गरे । उनले आफूलाई स्टेज फोरको क्यान्सर भएको बताए । उनले भने, ‘जिन्दगीमा जस्तोसुकै कठोर समय आओुस् । तिमी अघि बढ्नु । कहिल्यै नछोड्नु । तिमीले आएका हरेक पर्खाल भत्काउनैपर्छ । म क्यान्सर बिरामी हुँ । मलाई स्टेज फोर क्यान्सर छ ।’

उनले शो खुलासा गरेपछि स्टेजमा सबै चकित परेका थिए । उनले आफ्नो कुरालाई निरन्तरता दिँदै भने, ‘हो, मलाई क्यान्सर छ । जब मलाई डाक्टरले स्टेजको फोरको फोक्सो क्यान्सर छ भनेर सुनायो तब म मात्र एक मिनेटको लागि रोएँ किनकी मलाई बच्चाको याद आयो । त्यसपछि मैले भनेँ म जित्छु, यो क्यान्सर हार्छ ।’

उनको शो अभिव्यक्ति सुनेपछि प्रतिस्पर्धीहरुले उनको लागि उठेर ताली बजाएका थिए ।

‘जब मेरो पहिलो किमोथेरापी भयो, तब मलाई डाक्टरले तपाईलाई उल्टी हुन सक्छ, तपाईको कपाल झर्छ यताउता भनेर भन्यो । मैले त्यस्तो केही हुन्न भनेर पहिलो किमोथेरापी सकेर जिम गएँ । गएर दुई घण्टा जिम गरेँ’, उनले थपे, ‘अर्को दिन म फेरि अस्पताल गएँ र डाक्टरलाई म सुट गर्न जानुछ भनेर सुनाएँ । मेरो कुरा सुनेर डाक्टरले चकित परे । मैले ‘सम्सेरा’ सके र किमोथेरापीको दौरान नै मैले ‘केजीएफ’ गरेँ । र आज म जितेँ र क्यान्सर हार्यो ।’