राष्ट्रिय भलिबलको उपाधीका लागी पुलिस र एपीएफ भिड्दै

सुर्खेत । कर्णाली प्रदेशको राजधानी सुर्खेतमा जारी ३४ औं राष्ट्रिय पुरुष भलिबल प्रतियोगितामा नेपाल पुलिस क्लब फाइनलमा पुगेको छ ।

बुधबार वीरेन्द्रनगरस्थित खुलामञ्चको भएको दोस्रो सेमिफाइनलमा त्रिभुवन आर्मीलाई ३–० ले हराँउदै पुलिस फाइनलमा पुगेको हो । बिहीबार हुने फाइनलमा पुलिसले साविक विजेता एपिएफसँग प्रतिस्पर्धा गर्नेछ ।

पुलिसले आर्मीलाई २५–२१, २५–२३ र २५–१९ ले पराजित गरेको थियो । दोस्रो सेटमा २ अंकले पुलिसले सेट जितेको थियो भने तेस्रो सेटमा पुलिसले ५ अंकको कायम राखेको थियो ।

साथै, आजै भएको पहिलो सेमिफाइनलमा एपिएफले गण्डकीलाई २५–२३–२५–२० र २५–१५ ले पराजित गरेको थियो ।

अपराजित एपिएफ समूह ‘ए’ को विजेताका रुपमा सेमिफाइनल पुगेको थियो । त्रिभुवन आर्मी क्लब विजेता रहेको समूह ‘बी’ बाट उपविजेताका रुपमा गण्डकी अन्तिम ४ मा पुगेको थियो । समूह ए बाट दोस्रो हुँदै पुलिस सेमिफाइनल पुगेको थियो ।

बिहीबार भोलि प्रतियोगिताको एउटै समूह चरणमा रहेका एपिएफ र पुलिसबीच फाइनल र आर्मी र गण्डकीबीच तेस्रो स्थानको खेल हुनेछ ।