कोशीले गर्‍यो पीएम कप खेल्ने टोलीको घोषणा

काठमाडौं । कोशी प्रदेशले प्रधानमन्त्री कप (पिएम) राष्ट्रिय क्रिकेट प्रतियोगिता खेल्ने टोलीको घोषणा गरेको छ । कोशीले अंकित सुवेदीको नेतृत्वमा पिएम कप खेल्ने १४ सदस्यीय टोलीको घोषणा गरेको हो ।

सुनसरीमा पुस १९ देखि २५ गतेसम्म भएको छनोट प्रतियोगिताबाट खेलाडी छनोट गरिएको प्रदेश क्रीकेट संघका सचिव टीकाराम पुरीले जानकारी दिए ।

नेपाल क्रिकेट संघ क्यानको आयोजनामा प्रधानमन्त्री कप क्रीकेट प्रतियोगिता पुस २८ देखि माघ २० गतेसम्म काठमाडौ र रुपन्देहीमा हुँदैछ ।

कोशीको टोलीः

अंकित सूवेदी (कप्तान), फिर्दोस अन्सारी (उप कप्तान), सुजन थपलिया, सोनु अन्सारी, मिनास थापा (विकेट किपर), आइस भट्टराई, सुमन गहतराज, समिर कार्की, सोनु मण्डल, कमल खत्री, हेमन राई, भुपाल लुइटेल, अभियास तिम्सिना र सौजन घिमिरे ।