धनुषाको जलाद खोला अबैधरुपमा उत्खनन गर्दा सात ट्रयाक्टर प्रहरीको नियन्त्रणमा


जनकपुरधाम । धनुषाको मिथिला नगरपालिका ४ स्थित जलाद खोलामा अबैध रुपमा उत्खनन गर्दा प्रहरीले सात वटा ट्रयाक्टर नियन्त्रणमा लिएको छ ।
आज बिहान अत्यधिक कुहिरो लागेको मौका छोपेर नदी उत्खनन गरिरहेको बेला ईलाका प्रहरी कार्यालय ढल्केबरको टोलीले सातवटा ट्रयाक्टर नियन्त्रणमा लिएको हो । वालुवा उत्खनन गर्ने चालक र मजदुरलाई भने नियन्त्रणमा लिइएको छैन् ।
प्र २-०२-००१ त २०४९, प्र २-०२-००१ त १६५४, प्र २-०२-००१ त १५२२, प्र २-०२-००१ त १९२, ज १ त ४४७७, ज १ त ४२४८ र ज १ त ९७९७ नम्वरको ट्रयाक्टर ढल्केबर प्रहरी नियन्त्रणमा लिएको र थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।
जलाद खोलामा अवैध रुपमा बालुवा उत्खनन गर्दा असअघि पनि पटक-पटक प्रहरीले ट्रयाक्टर नियन्त्रणमा लिएर कारबाही गरेको छ । तर पनि अबैध उत्खनन रोकिएको छैन् ।