तपस्वी बम्जनलाई थुनामा पठाउन अदालतको आदेश
नेपाल प्रेस
२०८० पुष २६ गते १७:३७
काठमाडौं । तपस्वी रामबहादुर बम्जनलाई पुर्पक्षका लागि थुनामा पठाउन अदालतले आदेश दिएको छ । न्यायाधीश विष्णु रेग्मीको इजलासमा बयानपछि पुर्पक्षका लागि थुनामा पठाउन आदेश दिइएको हो ।
जिल्ला अदालत, सर्लाहीबाट उनीविरुद्ध पक्राउ पुर्जी जारी भएकाले निजलाई अदालतमा पेस गरिएको थियो ।
हत्या र यौन शोषणको मुद्दामा सर्लाही जिल्ला अदालतले २०७६ साल माघ २३ गते बम्जनलाई पक्राउ गर्न प्रहरीलाई अनुमति दिएको थियो । प्रहरीको केन्द्रीय अनुसन्धान ब्युरोको टोलीले बम्जनलाई मंगलबार पक्राउ गरेको हो ।
आज अदालतमा बम्जनका तर्फबाट ५ जना र वादीको तर्फबाट २ जना सरकारी वकिलले बहस गरेका थियो ।
नेपाल प्रेस
प्रकाशित: २०८० पुष २६ गते १७:३७
प्रतिक्रिया
सम्बन्धित खवर
