प्रधानमन्त्री कप क्रिकेटमा कोशीमाथि मधेश प्रदेशको शानदार जित

काठमाडौं । प्रधामन्त्री कप पुरुष राष्ट्रिय क्रिकेट प्रतियोगिताअन्तर्गतअन्तर्गत पहिलो खेलमा कोशी प्रदेशमाथि मधेस प्रदेशले शानदार जित निकालेको छ । मुलपानी क्रिकेट मैदानमा भएको खेलमा कोशीमाथि मधेशले ७ विकेटको जित निकालेको हो ।

कोशीले दिएको १ सय २८ रनको लक्ष्य पछ्याएको मधेशले २० ओभर १ बलमा भेट्टाएको हो । मधेशलाई जित दिलाउन मधेशका ओपनर जोडी अनिलकुमार शाह र हरिशंकर शाहले उत्कृष्ट ब्याटिङ गरे । अनिल र हरिशंकरले पहिलो विकेटका लागि ८३ रनको साझेदारी गरे । अनिल ८८ र हरिशंकर २४ रन बनाएर आउट भए ।

बलिङतर्फ कोशीका सोनु मण्डले २ र सुजन थपलिया १ विकेट लिए । यसअघि टस हारेर पहिला ब्याटिङको निम्तो पाएको कोशी प्रदेश ४१ ओभरमा १२७ रनमै समेटिएको थियो ।

कोशीलाई सस्तोमै मधेशका प्रदीप पासवानले ३, राजेश यादव, रन्जित कुमार र पवन सराफले २-२ विकेट लिएका थिए । कोशीका फिर्दोश अन्सरीले ४१ र कप्तान अंकित सुवेदीले ४० रन बनाएका थिए ।