अत्तरियामा कुटपिटबाट एक जनाको मृत्यु , ६ जना पक्राउ

कैलाली । कैलालीको अत्तरियामा एक जनाको कुटपिटबाट मृत्यु भएको छ । जिल्लाको गोदावरी नगरपालिका स्थित अत्तरिया बजारमा रहेको दोहरी साँझमा कुटपिटमा परी कञ्चनपुरको कृष्णपुर नगरपालिका ५, गुलरियाका ४२ वर्षीय श्याम देउवाको मृत्यु भएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक कुलदीप चन्दले जानकारी दिए ।

२५ गते राति दोहरी साँझमा कुटपिटमा पछि देउवा घर पुगेको र परिवारका सदस्यले राति नै उपचारका लागि धनगढी स्थित निसर्ग हस्पिटलमा ल्याएको प्रहरीको भनाइ छ । उपचारकै क्रममा अस्पतालमा देउवाको मृत्यु भएको जिल्ला प्रहरी कार्यालय कैलालीका प्रवक्ता चन्दले बताए।

देउवाको ज्यान गएपछि परिवारले इलाका प्रहरी कार्यालय मालाखेतीमा जाहेरी दिएको थिए । शनिवारसम्म ६ जनालाई नियन्त्रणमा लिएर अनुसन्धान भइरहेको प्रहरीले जनाएको छ ।