प्रधानमन्त्री कप क्रिकेट : आर्मीका कप्तान विनोदले बनाए सतक

काठमाडौं । प्रधानमन्त्री कप एकदिवसीय राष्ट्रिय प्रतियोगिताअन्तर्गत मधेस प्रदेशविरुद्ध त्रिभुवन आर्मी क्लबका कप्तान विनोद भण्डारीले सतक प्रहार गरेका छन् ।

टीयू क्रीकेट मैदानमा भएको खेलमा भण्डारीले ८९ बलमा सतक पूरा गरेका हुन् ।

टस हारेर पहिला ब्याटिङको निम्तो पाएको आर्मीले ४२ ओभर १ बलमा ५ विकेट गुमाएर २३८ रन बनाएर खेलिरहेको छ । आर्मीका कुशल मल्लले ३७, इम्रान शेखले २६, सन्तोष कार्कीले ४२, भीम सार्की १८ र सन्दीप रसाइली शून्य रनमा आउट भए ।

बलिङतर्फ मधेसका रञ्जित कुमारले ४ विकेट लिएका छन् ।