‘खुस्मा’ निर्माण घोषणा, धिरज र उपासनाले कस्ने भए जोडी

काठमाडौं । ‘खुस्मा’ सिनेमा निर्माणको घोषणा भएको छ । माघे संक्रान्तिको अवसर पारेर सिनेमाको घोषणा गरिएको हो ।

सिनेमामा धिरज मगर र उपासनासिंह ठकुरी प्रमुख भूमिकामा रहनेछन् । यो उनीहरुको पहिलो सहकार्य हो ।

सिनेमालाई अशोक थापामगरले निर्देशन गर्नेछन् । थापा विभिन्न ९ वटा अन्तर्राष्ट्रिय फिल्म फेस्टिभलमा पुरस्कृत भइसकेका छन् । दुई वटा सुटिङ तालिकामा खिचिने सिनेमाका निर्माता बेताने मगर, चन्द्र भट्टचन र सुस्मिता बुढाथोकी हुन् ।

‘खुस्मा’मा एसडी योगीले सुरेन्द्र राना तथा राम अविरल विष्टको गीतमा संगीत दिनेछन् । दीपक बज्राचार्य छायाँकार रहनेछन् ।

सिनेमामा धिरज र उपसनासँगै अस्तित्व भट्टचन, खड्कबहादुर पुन (खबपु) तथा अरुण मगरको अभिनय रहनेछ । प्रेम कथामा आधारित ‘खुस्मा’ एम मिडिया प्रालिको ब्यानरमा निर्माण हुनेछ । सिनेमालाई गोविन्द शाहीको काफिया फिल्मस्ले वितरण गर्नेछ ।