स्वामिकार्तिक खापर गाउँपालिकाकी उपाध्यक्ष जोशीको निधन
नेपाल प्रेस
२०८० माघ ४ गते १३:३२
कैलाली । बाजुराको स्वामिकार्तिक खापर गाउँपालिकाकी उपाध्यक्ष मैना जोशीको निधन भएको छ ।
५२ वर्षको उमेरमा आज बिहान करिब ३ बजे आफ्नै घरमा निधन भएको गाउँपालिकाका निमित्त प्रमुख प्रशासकीय अधिकृत अमर बहादुर रोकायाले जानकारी दिए ।
स्थानीय तह चुनावमा जोशी नेपाली काङ्ग्रेसबाट उम्मेदवार भई उपाध्यक्षमा निर्वाचित भएकी थिइन् ।
उपाध्यक्ष जोशी क्यान्सरबाट पीडित थिइन् । ललितपुरको किष्ट अस्पतालमा उपचार गराएर हालै उनलाई घर लगिएको थियो ।
गाउँपालिकाले आज शोक प्रस्ताव पारित गर्दै गाउँपालिकामा शोक बिदा दिएको छ । वडा नम्बर ४ स्थित कर्णालीको किनार पिलुमा अन्तिम संस्कारको गरिँदै छ ।
नेपाल प्रेस
प्रकाशित: २०८० माघ ४ गते १३:३२
प्रतिक्रिया
सम्बन्धित खवर
