फुपूमाथि ‘बोक्सी’को आरोप लगाउँदै फेसबुकमा लाइभ, भदा र भदैनी पक्राउ

काठमाडौं । फुपूमाथि ‘बोक्सी’को आरोप लगाउँदै सामाजिक सञ्जालमा फेसबुकमा लाइभ गरेको आरोपमा भदा भदै पक्राउ परेका छन् ।

काठमाडौं प्रहरीले काठमाडौंको चन्द्रागिरिका २६ वर्षीया सुस्मिता तामाङ र २१ वर्षीय सुसान तामाङलाई पक्राउ गरेको हो ।

आफूलाई भदा भदैनीले ‘बोक्सी’को आरोप लगाउँदै फेसबुक लाइभ गरेको दाबी गर्दै पीडित महिला प्रहरीकहाँ पुगेकी थिइन् ।

पुस ५ गते बिहान प्रतिवादीले आफ्नी आमा कामेको भिडियो लाइभ गर्दै फुपूमाथि ‘बोक्सी’को आरोप लगाएका थिए ।

प्रतिवादीमध्ये सुसान तामाङले आफ्ना परिवारका आमा र दुई दिदीबहिनी केही दिनयता काम्ने गरेको र काम्दा फुपू र उनको परिवारका सदस्यको नाम लिएकाले आवेगमा आएर आरोप लगाएको बयान दिएका छन् ।

समस्या आएकै कारण दिदी सुस्मिता वैदेशिक रोजगारीबाट फर्किन परेको र आमा र बहिनीसमेत काम्ने आएको उनले बताएका छन् ।

उनीहरुविरुद्ध बोक्सीको आरोप र साइबर अपराधमा काठमाडौं जिल्ला अदालतमा अभियोग पत्र दायर भएको छ ।