गायिका उमा श्रेष्ठको ‘के भुल गरें थिएँ र मैले’ सार्वजनिक (भिडिओ)

काठमाडौं । गायिका उमा श्रेष्ठको स्वरमा रहेको नयाँ गीत ‘के भुल गरें थिएँ र मैले’ सार्वजनिक गरिएको छ । काठमाडौँमा एक कार्यक्रमका बीच भिडियो सार्वजनिक गरिएको हो । उपसभामुख इन्दिरा राना मगरको प्रमुख आतिथ्यतामा सम्पन्न भिडिओ सार्वजनिक कार्यक्रममा विभिन्न संघ संस्थाका प्रतिनिधिका साथै संचारकर्मीको बाक्लो उपस्थिति रहेको थियो ।

सार्वजनिक गीतमा शब्द रचना अर्जुन थेबेको र संगीत देवराज आले मगरको रहेको छ ।

कमल एक्चै मगरले निर्देशन गरेको भिडियोको छायाँकन चक्र महर्जनले गरेका हुन् । भिडिओमा सन्तान नहुँदाको पारिवारिक तनाबलाई देखाउन खोजिएको छ ।

भिडिओमा अभिनेता सिमान्त उदास र गायिका उमा श्रेष्ठ फिचर्ड छन् । विशाल निरौलाको संगीत संयोजन रहेको गीतको भिडिओको सम्पादन निर्देशक कमल स्वयंमको रहेको छ । भिडिओ कलर संयोजन राजेन्द्र मोक्तानले गरेका छन् ।

भिडिओ सार्वजनिक कर्यक्रममा मेची नगर लेडी जेसिजका संस्थापक कविता शर्मा र कृष्ण थापा मगरले शुभकामना मन्तब्य राखेका थिए। कार्यक्रममा बोल्दै प्रमुख अतिथि उपसभामुख इन्दिराले बाल्यकालको सम्झना गरिन् ।

गायिका उमा र इन्दिरा बाल्यकालका साथी हुन् । उमाले यो उमेरमा आएर गायिका बनेकोमा आफुलाई निकै खुशी लागको उपसभामुख मगरले बताइन् । भिडिओ गायिका उमा श्रेष्ठको अफिसियल च्यानल मार्फत सार्वजनिक गरिएको छ ।