चलचित्र पत्रकार सङ्घ सुदूरपश्चिमले कलाकारसँग बृहत् अन्तरक्रिया गर्ने

कैलाली । चलचित्र पत्रकार सङ्घ सुदूरपश्चिमले कलाकारसँग बृहत् अन्तरक्रिया गर्ने भएको छ ।

सोमबार धनगढीको एसटीएस सिनेमामा बसेको चलचित्र पत्रकार सङ्घ सुदूरपश्चिम प्रदेशको पहिलो पूर्ण बैठकले कलाकारसँग बृहत् अन्तरक्रिया गर्ने निर्णय गरेको हो ।

अहिले सम्म यसरी कलाकारसँग सुदूरपश्चिममा अन्तरक्रिया नभएको भन्दै संघका अध्यक्ष पुष्पराज जोशीको सुदूरपश्चिमको कला र संस्कृति राष्ट्रिय स्तरमा पुराउन उक्त अन्तरक्रियाले ठुलो भूमिका खेल्ने विश्वास व्यक्त गरे ।

उनले अहिले पनि राष्ट्रिय स्तरमा सुदूरपश्चिमका थुप्रै ख्याति प्राप्त कलाकार रहेको बताए । ती कालकारहरूको सम्मान र नव प्रतिभाहरूलाई प्रस्फोटन गर्न उक्त अन्तरक्रिया महत्त्वपूर्ण हुने बताए ।

सुदूरपश्चिम प्रदेश भित्रको कला, साहित्य, सङ्गीत र सुदूरपश्चिम भित्र रहेका छायाङ्कन क्षेत्रको पहिचान गरी पर्यटकको केन्द्रबिन्दु बनाउने उद्देश्यले फागुन पहिलो हप्ता भित्र बृहत् कलाकारसँग संवाद कार्यक्रमको आयोजना गरिने उनले बताए ।