शेयर बजारमा लगातार गिरावट, खुम्चियो कारोबार रकम

काठमाडौं । लगातार साताको चौथो दिन पनि शेयर बजार दोहोरो अंकले घटेको छ ।

बुधबार नेप्से परिसूचक १०.२५ अंकले घटेर २०८८.०४ बिन्दुमा अडिएको हो । यसदिन बजारमा १ करोड १० लाख ४९ हजार ९४९ कित्ता शेयरको खरिदबिक्री हुँदा ३ अर्ब ८९ करोड ७० लाख २२ हजार ५९८ रुपैयाँको कारोबार भएको छ ।

अघिल्लो दिन मात्रै ०.४० अंकले घटेको बजारमा ४ अर्ब २२ करोड रुपैयाँको कारोबार भएको थियो । शेयर बजारमा भएको गिरावटसंगै कारोबार रकम पनि खुम्चिएको छ । यस साताको सुरुवात नै दोहोरो अंकको गिरावटसंगै भएको थियो ।

आजको कारोबारमा चन्द्रागिरी हिल्स र मिडसोलु हाइड्रोपावरको शेयर सकारात्मक सकिर्टका साथ सर्वाधिक नाफामा रहेको छ । भने तेह्रथुम पावर कम्पनी लिमिटेड नेगेटिभ सकिर्टका साथ सर्वाधिक घाटामा रहेको छ ।

बुधबार बजार पूँजीकरण ३२ खर्ब ७९ अर्ब रुपैयाँ रहेको छ ।