आकाश चन्दको घातक बलिङ, २७ रनमा अफगानिस्तानले गुमायो ४ विकेट

 काठमाडौं । आईसीसी यू-१९ विश्वकपको पहिलो चरणको आफ्नो अन्तिम खेलमा नेपालले अफगानिस्तानविरुद्ध शानदार सुरुवात गरेको छ ।

पहिला ब्याटिङ गरिरहेको अफगानिस्तानले ८ ओभरमा ४ विकेट गुमाएर २७ रन जोडेको छ । आकाश चन्दले ३ र गुल्सन झाले एक विकेट लिए ।

अफगानिस्तानका विकेटकिपर नुमान शाह र खालिद तानिवालले खाता नखोली आउट भए । सोहेल खान जुरमतीले ४ रन जोडे भने ओपनर जमसिद जद्रानले पनि ३ रन मात्र बनाउन सके । आकाशले ४ ओभरमा ८ रन मात्र खर्चिएका थिए ।