कृष्ण पाण्डेको ‘माया यस्तै हुँदो रैछ’ गीतको भिडिओ बजारमा

काठमाडौं । गायक कृष्ण पाण्डेको ‘माया यस्तै हुँदो रैछ’ गीतको भिडिओ सार्वजनिक भएको छ । प्रेम वियोगको भावलाई समेटेर गायक पाण्डेले तयार गरेको भिडिओमा पाण्डे स्वयंले अभिनय गरेका छन् । हस्त गौतमको शब्द सृजना, मनोज चौलागाईँको संगीत तथा एरेन्जमा तयार गीतमा प्रकाश मिश्रको मिक्सिङ तथा मास्टरिङ छ ।

धोका दिएर बाटो लागेकी मायालुको सम्झनाको कथामा तयार पारिएको सार्वजनिक गीतको छायांकन तथा निर्देशन संचारकर्मी आशिष नेपालले गरेका हुन् । काठमाडौंका रमणीय स्थलमा छायांकन गरिएको भिडिओको सम्पादन, कलरिङ गायक पाण्डेकै छ ।

क्लासिकल संगीतका विद्यार्थीसमेत रहेका पाण्डेले यसअघि आज सारा बन्धन, लेकबेँसी, जुनकिरी, जे जे पर्छ पर्छ, बाह्र मासेको ढिक्के फुलीलगायतका गीत गाएका थिए । म्यूजिक बिट नामक च्यानलबाट उक्त भिडिओ सार्वजनिक भएको हो ।