डोटीमा बौलाहा कुकुरले एकै दिन १० जनालाई टोक्यो

डोटी । डोटीमा बाैलाहा कुकुरले एकै दिन १० जनालाई टोकेको छ । प्रहरीका अनुसार आइतबार दिपायल सिलगढी नगरपालिका ४, ५ र ६ का १० जनालाई बौलाहा कुकुरले टोकेको हो ।

बौलाहा कुकुरलाई स्थानीयबासी, प्रहरी र भेटेरिनरी अस्पतालको संयुक्त प्रयासबाट नियन्त्रणमा लिइएको जिल्ला प्रहरी कार्यालय डोटीका प्रहरी निरीक्षक सिताराम विष्टले वताए । बौलाहा कुकुरलाई भेटेरिनरी अस्पताल तथा पशु सेवा विज्ञ केन्द्रको जिम्मा लगाइएको छ ।

बौलाहा कुकुरले टोकेका सबै जनाले रेबिजको सुई लगाई सामान्य अवस्थामा घर फर्किएका प्रहरीले जनाएको छ ।