बाथरुममा निसास्सिएर हेटौँडामा एक जनाको मृत्यु
नेपाल प्रेस
२०८० माघ १६ गते १२:०५
हेटौँडा । मकवानपुरको हेटौँडामा ग्यास गिजरको कारण एक जनाको ज्यान गएको छ ।
हेटौँडा उपमहानगरपालिका-९, लामसुरेमा बाथरुममा प्रयोग गरिएको ग्यास गिजरका कारण निसास्सिएर २५ वर्षका युवकको मृत्यु भएको हो ।
सोमबार दिउँसो १२ बजेको समयमा शौचालयमा शौच गर्न छिरेका २५ वर्षीय युनेश काफ्ले निकैबेर बाहिर ननिस्केपछि परिवारका सदस्यले ढोका फोडेर हेर्दा बेहोस पाइएका आफ्लेलाई उपचारको लागि सहकारी अस्पताल लगिएको थियो ।
अस्पतालमा पुर्याइएका काफ्लेलाई चिकित्सकले मृत्यु भएको घोषणा गरेको जिल्ला प्रहरी कार्यालय मकवानपुरले जनाएको छ ।
बाथरुममा खुल्ला रहेको ग्यास गिजरको कारण बेहोस भएर उनको मृत्यु भएको प्रहरीको भनाइ छ ।
नेपाल प्रेस
प्रकाशित: २०८० माघ १६ गते १२:०५
प्रतिक्रिया
सम्बन्धित खवर
