‘हात्तीछाप’ माघ २६ मा नेपालसहित विभिन्न देशमा रिलिज हुने

काठमाडौं । चलचित्र ‘हात्तीछाप’ माघ २६ बाट नेपालसहित विभिन्न देशमा रिलिज हुने भएको छ । फिल्मको अन्तर्राष्ट्रिय वितरणको जिम्मा लिएको एमएसएम इन्टरटेन्मेन्टले विश्वभर यो फिल्म रिलिज हुने बताएको छ ।

चलचित्रलाई अष्ट्रेलियामा एमएसएम इन्टरटेन्मेन्ट र रोटेपिङ इन्टरटेन्मेन्टले मिलेर फिल्म रिलिज गर्दैछन् । अमेरिका-क्यानडामा यात्री डिजिटल र यूरोपका देशमा नेपाली मुभी टाइम डेनमार्कले रिलिज गर्ने पक्का भएको छ । मध्यपूर्वमा सुप्रिम फिल्म प्रोडक्शन एन्ड डिस्ट्रिब्यूसन र दक्षिण कोरिया र जापानमा फिल्मलाई यूएनए इन्टरटेन्मेन्टले रिलिज गर्दैछ ।

सिमोस सुनुवारको निर्देशनमा बनेको यो चलचित्रमा किरण नेपालीको प्रस्तुति रहेको छ । दयाहाङ राई, सौगात मल्ल, उपासना सिंह ठकुरी, बेनिशा हमाल, विजय बराल, वुद्धि तामाङ, विल्सनविक्रम राईलगायतका कलाकारले ‘हात्तीछाप’ मा अभिनय गरेका छन् ।