बनेपाकाे भैँसेपाटीमा बस दुर्घटना

काठमाडौं । काभ्रेको बनेपा नगरपालिका १४ भैंसेपाटीस्थित पनौतीबाट काठमाडौं आउँदै गरेको बस दुर्घटना भएको छ ।

बिहीबार बेलुका साढे ७ बजे काठमाडौं आउँदै गरेको बा.२ ख ६६६९ न. को बसले विपरीत दिशाबाट आइरहेको बा प्र–०१–००६ ख २९९७ न.को मयुर बसलाई ठक्कर दिँदा ४ जना यात्रु घाइते भएका प्रहरी कार्यालय काभ्रेले जानकारी दिएको छ ।

उनीहरुको उपचार सिरमेमोरीयल अस्पतालमा भइरहेका तथा बस र बस चालक ईलाका प्रहरी कार्यालय बनेपाले नियन्त्रणमा लिएको जनाइएको छ ।

घाइते हुनेमा बा प्र–०१–००६ ख २९९७ न. बसमा सवार पाँचखाल न.पा.६ बस्ने २४ वर्षीया नबिना दनुवार बाँया हातमा सामान्य चोट लागेको, बा.२ ख ६६६९ न.को बसमा सवार नमोबुद्ध न.पा. ३ बस्ने वर्षीय ३६ की वाङ्जु लामा खुट्टा दुखेको बाहिरी चोट नभएको र ८ बजे डिस्चार्ज भएको उनकी छोरी ११ वर्षीया फुर्सङ लामा टाउको दुखेको बाहिरी चोट नभएको र डिस्चार्ज भएको छ ।

त्यस्तै, लामाकै छोरा वर्षीय ९ को समर्पण लामा दाहिने कम्मरमा सामान्य चोट लागेको र डिस्चार्ज भएको तथा नमोबुद्ध न.पा.५ बस्ने करिब २० वर्षीया करुणा भुजेलको खुट्टामा चोट लागेको र धुलिखेल अस्पतालमा उपचार भइरहेको काभ्रे प्रहरी कार्यालयले विज्ञप्तिमार्फत जानकार दिएको छ ।