एमाले धादिङ अधिवेशनमा भाँडभैलो, कुटपिट र झडपपछि प्रदेश अध्यक्षले दिए स्थगनको सूचना
![](https://www.nepalpress.com/wp-content/uploads/2020/11/nepalpress-logo-n.png)
२०८० माघ २१ गते १०:०१
![](https://www.nepalpress.com/wp-content/uploads/2024/02/uml-dhading.png)
फाइल तस्विर
काठमाडौं । नेकपा एमाले धादिङको जिल्ला अधिवेशनमा विवाद र झडपसमेतको अवस्था आएको भन्दै बागमती प्रदेश कमिटीले अधिवेशन स्थगित भएको सूचना जारी गरेको छ ।
प्रदेश अध्यक्ष कैलाश प्रसाद ढुंगेलले विज्ञप्ति जारी गर्दै जिल्ला कमिटीका निवर्तमान अध्यक्ष भूमि त्रिपाठीमाथि भाँडभैलो मच्चाएको आरोपसहित अर्को सूचना नभएसम्म अधिवेशन स्थगित गरेका हुन् ।
जिल्लामा खेम लोहनी र भूमि त्रिपाठी पक्षबीचको विवाद बढेर कुटपिट समेत भएको थियो ।
लोहनीले डा. रामकुमार अधिकारीलाई अध्यक्ष बनाउन चाहेका छन् भने त्रिपाठी आफैँ दोहोरिन खोज्दा विवाद बढेको हो ।
प्रतिक्रिया
सम्बन्धित खवर