झलनाथलक्षित माधवको टिप्पणी- जबज समाप्त पार्ने विचार किमार्थ स्वीकार्न सकिँदैन (भिडिओ)

काठमाडौं । नेकपा एकीकृत समाजवादीका अध्यक्ष माधव नेपालले जनताको बहुदलीय जनवाद (जबज)ले कम्युनिष्ट पार्टीको अस्तित्वलाई धरासायी पार्नको लागि साम्राज्यवादी र प्रतिक्रियावादी शक्तिहरु लागिरहेका बताएका छन् ।

पार्टी उपाध्यक्ष तथा कृषि मन्त्री डा. बेदुराम भुसालद्वारा लिखित ‘जनताको बहुदलीय जनवादको विकासक्रम’ नामक पुस्तक विमोचन गर्र्दै जबजलाई समाप्त पार्ने विचार स्वीकार्न नसकिने बताए ।

उनले भने, ‘सबै परिवेशमा कम्युनिष्ट पार्टीलाई लोकप्रिय बनाउनुपर्छ। जुन बहुदलीय नीति लिएर हामी बढ्न खोजेको छौं त्यसलाई नयाँ परिवेशनमा लानुपर्छ । समाजवादी क्रान्तिको चरणमा पनि बहुदलीय राजनीतिको त्यति नै आवश्यकता छ । हाम्रो समाजवादी चीन, भेदनाव, क्युवाको जस्तो हुँदैन । समाजवादको सिंगो चरणमा वर्गहरुको अस्तित्व रहन्छ ।’

उनले वर्गको अस्तित्वसँगै विचार हुने उल्लेख गर्दै जनताको विश्वास जित्नेगरी लाग्नुपर्ने बताए । पार्टीका सम्मानित नेता झलनाथ खनाल जबज छाड्नुपर्ने बताउँदै आइरहेका छन् । त्यसप्रति लक्षित गर्दै उनले भने, ‘विचार नै परिवर्तन गरेर हिजो जबजलाई दक्षप्रजापतिको टाउको भन्ने, आज यसलाई समाप्त पार्ने लाग्ने विचारलाई किमार्थ ठीक भन्न सकिँदैन ।’